Góð grein um feminisma.

já það er alltaf eitthvað nýtt og hressandi í blogginu hjá mér en ég er að spá að vera með bókagagnrýni á þær bækur sem ég er að lesa og þær bækur sem ég nenni ekki að lesa.

Fyrsta bókin sem ég ætla að skrifa um heitir Í upphafi var morðið eftir Árna Þórarinsson og Pál Kristinn Pálsson en ég var einmitt að klára hana í gærkveldi. Bókin er um Kristrúnu sem er ungur kvikmyndaleikstjóri sem er að vinna að heimildarmynd um ár í ævi jökuls þegar móðir hennar deyr með voveiflegum hætti (já voveiflegum). Samband þeirra mæðgna hafði eins og fleira í fortíð Kristrúnar, verið erfitt og átakamikið. Áður en Kristrún veit af er hún sjálf komin í kaf í rannsókn á dularfullri atburðarás sem kollvarpar því sem hún hafði áður talið sannleikann um ævi sína.

Í stuttu máli er þetta bara svona venjuleg krimmasaga sem heldur manni svona þokkalega við efnið í byrjun, en þegar líður á söguna er þetta snjöll og margslunginn flétta sem heldur manni asskoti spenntum til loka. Ég er að spá að gefa henni 3 fjaðrir af 5.

Eitt af því sem gerir Kópavog að besta bæjarfélagi í heimi eru bæjarfíflin okkar og við eigum nóg af þeim. Þeir þekktustu eru auðvitað Stebbi geit og Jói á hjólinu, en það hefur eitt fífl bæst í hópinn og hann býr í Skólagerði 47. Þessi maður hefur af einhverjum ástæðum sett upp hreyfiskynjara sem beinist að gangstéttinni fyrir framan húsið hans og þegar einhver labbar framhjá kviknar á þremur ljóskösturum og myndavél sem tekur upp allar hreyfingar.
Hvet alla til að kíkja í Skólagerðið í næsta bíltúr, keyra aðeins uppá gangstétt fyrir framan hús nr. 47 og brosa framan í myndavélina.

Það er frábært að búa í Kópavogi

Mér var að berast frétt sem því miður komst aldrei í fréttirnar:

Of góður fyrir 1.deildina!
Bjarni Jóhannsson, þjálfari Blika, segir Stefán Karlsson einfaldlega of góðan fyrir sitt lið.

Bjarni Jóhannsson, þjálfari 1.deildarliðs Breiðabliks, hefur ákveðið að bjóða knattspyrnumanninum knáa, Stefáni Karlssyni, ekki samning að svo stöddu. Ástæðan er einföld; Stefán er of góður fyrir 1.deildina hér heima.

"Ég er búinn að hafa Stefán undir smásjánni í nokkurn tíma og eftir að hafa séð hvaða hæfileikum hann býr er það mitt mat að hann sé of góður fyrir 1.deildina. Við myndum rúlla deildinni upp og hálfpartinn finnst mér eins og það sé svindl, þetta er eins og að svindla í Championship Manager", sagði Bjarni í samtali við DV-Sport.
Framganga Stefáns á knattspyrnuvellinum hefur vakið verðskuldaða athygli upp á síðkastið og reyndar er staðan orðin þannig í dag að hann þarf að fara leynt með það í hvaða íþróttahúsi hann æfir hverju sinni; ásókn yngismeyja og annarra aðdáenda er slík að lögreglan óttast uppþot ogumferðaröngþveiti.

"Ég er þegar búinn að læða upplýsingum um Stefán til starfsbræðra minna í úrvalsdeildinni og ég veit ekki betur en þeir séu þegar farnir að bjóða hver í kapp við annan. Það er engin spurning að Stefán á eftir að auka
vinsældir knattspyrnunnar til muna og ég sé það alveg fyrir mér að það verði mikið að gera hjá honum í fyrirsætustörfum líka. Ég spái því að hann verði svar Íslands við David Beckham." sagði Bjarni Jóhannsson að lokum.

Ég ætla að senda lettneska knattspyrnulandsliðinu stuðkveðjur en þeir unnu Tyrki í fyrradag og komu þannig í veg fyrir að við þurfum að sjá þá í EM.

Já ég er orðinn frægur, batman.is hafa ákveðið að setja link inn á stuðkveðjurnar. En fyrst þið eruð komin á þetta blogg þá endilega kíkíð á þetta blogg og þetta blogg

Kíkti aðeins í skífuna í gær og endaði með því að kaupa 4 dvd myndir, keypti LOTR The Two Towers stóru útgáfuna og síðan 3 gamlar snilldar myndir. ¡Three Amigos! , Groundhog Day, Dracula. Allt snilldar myndir og þeir sem hafa ekki séð ¡Three Amigos! þá er þetta fjórða besta grínmyndi í heimi í mínum bókum og þarafleiðandi must sí mynd.

Var að klára síðasta verkefnið í skólanum í gær, þannig að maður getur loksins farið að læra eitthvað skipulega fyrir þessi próf. En kíkið á þetta blogg því það er skemmtilegra en þetta blogg.

Örvar vill senda stuðkveðju til allra strákanna í Hr. Ísland og óskar þeim um leið góðs gengis í framtíðinni.

Sævar vill senda mega stuðkveðju til Blika.

Stuðkveðjunum rignir inn,
Örvar Steingrímsson vill senda stuðkveðju til Gumma Ingvars og þakka honum fyrir mikið stuð á laugardaginn

Fyrsta stuðkveðjan kemur frá Jóni Hannesi en hann vill senda geðveika stuðkveðju til ríkisstjórnarinnar

Ég hef ákveðið að sinna betur tryggum lesendahóp mínum með nýrri þjónustu en það eru STUÐKVEÐJUR. Þetta virkar þannig að þið sendið mér póst eða sms og segið mér hver á að fá STUÐKVEÐJUNA og ég birti hana hér.

Afhverju er Eyjólfur Kristjánsson vefsmiður ekki með betri vefsíðu ?

Var að skoða Heimurenh i eygehm Bjergvehns en hann fann þessa snilldar kenningu á netinu:

"Það vita það allir að kettir lenda alltaf á fótunum ef þú hendir þeim upp í loftið. Það vita það líka allir að ef þú missir brauðsneið þá lendir hún alltaf á smurðu hliðinni samkvæmt lögmálum Murphy's.
--> Þetta gerir það að verkum að ef þú teipar brauðsneið á bakið á ketti & lætur hann svo detta þá munu þessi tvö lögmál takast á & gera það að verkum að kötturinn svífi í lausu lofti. Planið er svo bara að búa til flugvél knúna af köttum & smurðu brauði. "

Ég gróf upp 11/11 peysuna mína í morgun og ég ætla að klæðast henni í dag, en verslunin sem ég vann í um árið var rænd í gær. Ræningjanum var lýst ansi vel í útvarpinu og ég sá eiginlega annan Sveinsson bróðurinn ljóslifandi fyrir mér þegar ég heyrði lýsinguna, spurning hvar hann var í gærkveldi ?

Síðan samdi ég stöku

Kannski er ég soldið magur
Þó varla gæti ég talist ragur
ég hitti stúlku sem sagði "þú ert graður"
nei ég meinti fagur

sniðugur ?

Það er víst í tísku að setja upp svona kvikmyndagetraun.
En nú er spurt um kvikmynd og leikara. Eftirfarandi samtal er eitt það magnaðasta í sögu kvikmyndanna og skaut leikurunum á stjörnuhiminn:
"I don't like you because you're dangerous."
"That's right, Ice-Man. I am dangerous."

Ég er að stofna fyrirtæki og ég er með alveg pottþétta áætlun. Þetta er byggt upp á pýramídasölukerfi og það er alveg öruggt að allir sem koma inní þetta græða geðveikt mikið. Ég er með frábæra vöru frá Tíbet sem gerir stórkostlega hluti fyrir alla sem nota. Eina sem þú þarft að gera er að leggja inná reikning hjá mér 130 þúsund krónur og síðan ert þú orðinn ríkur eftir nokkrar vikur. Þetta er pottþétt og þeir sem ekki koma inní þetta strax græða bara minna !!!

Já þvílík lukka þessa helgina, ég vann í tveimur teljaraleikjum. Annars var ég að sjá í auglýsingu frá íslensku stöðinn 91.9 að þeir ætla að byrja að spila jólalögin 15 nóv. Hvaða hálfvitar nenna að byrja að hlusta á jólalög þá, 40 dagar til jóla, díses kræst.

Svo ég haldi áfram að blogga leiðinlega, þá ætla ég að segja ykkur frá stjörnuspánni minni fyrir daginn í dag.
Tvíburarnir (21.maí - 21.júní)
Ef þú ætlar þér að ná langt í þessu lífi verður leiðin greið. Stjarna þín fylgir þér og opnar fyrir þér margar luktar dyr. Þú berð þess merki að fortíð þín hefur haft áhrif á þig. Þú ert eflaust staddur/stödd í einhverskonar ævintýri um þessar mundir þar sem um er að ræða arðbæra fjárfestingu. Þú ættir að gæta þín gagnvart þeim sem ekki teljast sannir vinir þínir.

Já nú ætla ég að segja ykkur hvað ég gerði í dag, ég vaknaði fór í skólann kl 8 og þar var Þóra að kenna tölfræði, það var gaman. Síðan fór ég heim og strákarnir, Ívar, Gummi Ingvars og Kiddi komu og við fórum að gera tölfræði verkefni en ég sofnaði. Síðan fórum við allir í skólann en ég sótti Reyni á leiðinni í skólann. Þar var Þóra aftur að kenna meiri tölfræði og mér fannst gaman. Síðan fór ég heim og gerði ekki neitt þangað til ég fór í vinnuna en þar er ég núna að skrifa þetta blogg. Takk fyrir.